José Carlos Pita López

José Carlos Pita López

José Carlos Pita López (Neda – 1940)

Desde moi novo comezou a traballar nos estaleiros de Ferrol como técnico na empresa Astano. Motivado por un impulso de axuda e mellora ás condicións dos traballadores, entra no sindicato de CCOO. Isto lévao a militar no PCG e a ser elixido alcalde nas eleccións municipais de 1979 pola Agrupación Democrática de Neda Independente, co que se converte no primeiro alcalde do municipio en democracia, onde estivo como rexente ata o ano 2007.

Preocupado sempre polo social, a cultura e a protección da historia local, é un dos precursores do Camiño Inglés non só ao seu paso polo municipio, senón en todo o trazado desde Ferrol ata Santiago. Ademais, é o impulsor da construción do albergue da localidade e, aos seus 83 anos, aínda forma parte do grupo de voluntarios que traballan nel.