Teté Mareque Galego

Teté Mareque Galego

Teté Mareque Galego, (Ferrol -1967)

A paixón de Teté pola la de ovella faina investigar sobre as súas múltiples aplicacións e, deste xeito, revaloriza un produto considerado como residuo.

Autodidacta na súa formación, un dos trazos característicos do seu traballo consiste en procesar a la de maneira artesanal, seguindo a tradición ancestral no lavado, escarmeado, cardado, fiado… ata chegar ao seu uso final.

A misión desta marabillosa muller, xunto ás persoas e colectivos cos que colabora, céntrase en demostrar o gran potencial que ten a la autóctona, que estivo a punto de desaparecer e é capaz de revitalizar o medio rural e de impulsar a economía, pero, sobre todo, de axudar a conservar os oficios artesáns que forman parte do patrimonio cultural galego.