Estrelas
A través da mirada das persoas que protagonizan a exposición, logramos ter unha visión máis ampla do Camiño de Santiago.
As Estrelas do Camiño invítannos a reflexionar sobre o valor humano das xentes que habitan o Camiño de Santiago: un factor fundamental tanto na conservación como no rexurdir da peregrinación.
Camiño INGLÉS
Unha exposición que cobre as seis etapas que van desde Reading ata Santiago de Compostela
O pintor e muralista británico David Speed é o artista invitado para estampar todo o seu talento nesta nova galería. A través da súa obra e da forza que transmite a súa particular paleta de cores, David inmortaliza e pon en valor persoas tan distintas como Heather, Teté, José Carlos, Rocío e Manuel. Convidámoste a descubrir cos teus propios ollos como todas estas Estrelas logran transmitir «algo especial» e se unen e inmortalizan nestes grandes retratos que nos guían nesta ruta do Camiño a Santiago.
Itinerario e etapas
126 km. 6 Etapas. 5 Murais
O Factor Humano
Camiño Portugués
A galería da exposición no Camiño Portugués que cobre a distancia entre Porto e Santiago de Compostela ao longo de 10 etapas
Como evolución da temática e manténdonos sempre firmes na intención de recoller, documentar e transmitir esas miradas de resistencia, quixemos afondar noutro elemento importantísimo no Camiño de Santiago: o diálogo.
O diálogo como parte fundamental para relacionármonos os seres humanos. O diálogo como nexo de unión entre as xentes dos dous lados da «raia» e tamén ese diálogo que persoas de diferentes culturas e países comparten no seu percorrido a Santiago e é unha parte fundamental dentro das múltiples experiencias que ofrece o propio Camiño. Por todo iso, quixemos que o diálogo estea presente na propia creación da exposición para a cal colaboramos con dous artistas: Lula Goce (Galicia) e Daniel Eime (Portugal), que alternarán as súas intervencións ao longo de toda a ruta e, deste xeito, establecerase unha «conversa» a través das súas obras.
Diálogos
As historias dos protagonistas dos murais convértense en diálogos entre eles.
As Estrelas
Coñece os protagonistas homenaxeados no Camiño Portugués.
Itinerario do Camiño Portugués
230Km. 10 Etapas. 9 Murais
Camiño Francés
Unha exposición que mostra o Factor Humano do Camiño de Santiago
Desde Estrella Galicia queremos renderlle homenaxe a toda unha sociedade que durante xeracións se prestou a axudar, a acoller os peregrinos que día tras día, ano tras ano, pasan por diante das súas casas, das súas rúas, das súas vilas… Unha tradición que resistiu o paso do tempo e aínda segue vixente. Unha maneira de ser, unha filosofía de vida que probablemente sexa a principal causante do recoñecemento e da dimensión internacional que ten o Camiño hoxe en día.
O Factor Humano
As Estrelas
Coñece os protagonistas homenaxeados no Camiño Portugués.
Itinerario do Camiño Francés
140Km. 7 Etapas. 7 murais