Mario Mato

Mario Mato

Mario Mato (Portomarín 1967) Estuda e vive durante toda a súa infancia en pobos de Portomarín, pasando as vacacións xunto aos seus curmáns na aldea de Lión onde estabelece un contacto directo coa natureza e os animais, o que lle serve de estímulo para idear o seu proxecto de vida. Un proxecto que comeza a tomar forma cando os seus pais deciden mercar os terreos da propiedade de Santa Mariña a unha amiga da familia.

Visionario por natureza, comeza coa idea de crear unha granxa escola. Máis tarde, toma contacto coa sociedade turística da Xunta de Galicia, Xacobeo 93 e decide orientar o seu proxecto cara ao turismo rural.

Pola súa vontade e as súas ganas de aportar á súa contorna dun carácter propio, ademais dun legado para as xeracións vindeiras, Mario investiga sobre as enerxías renovables ata lograr facer de Santa Mariña un lugar respectuoso co medio ambiente.